બાંગ્લાદેશનો એક રિક્ષાવાળો હાલ તેને આવતા સતત ફોન કોલ્સથી ત્રાહિમામ્ પોકારી ઊઠ્યો છે. વાત એમ છે કે, તાજેતરમાં જ બાંગ્લાદેશમાં પ્રદર્શિત થયેલી ફિલ્મ ‘રાજનીતિ’માં બાંગ્લાદેશી સુપરસ્ટાર સાબિકખાન ફિલ્મનાં એક દૃશ્યમાં પોતાની સ્ત્રીમિત્રને પોતાનો ફોન નંબર આપે છે. જો કે આ નંબર સાબિક ખાન માટે માત્ર દૃશ્યનો એક ભાગ હતો, પરંતુ આ ફોન અહીંના ઈલાઝૂલ મિયાં નામના રિક્ષાવાળાનો નીકળ્યો. હવે બાંગ્લાદેશની યુવતીઓ દિવસ-રાત આ નબર પર ફોન કરી ઈલાઝૂલને મળવાની જીદ કરે છે. એક પ્રશંસક તો આ ફોન ટ્રેક કરી તેના ઘર સુધી પણ પહોંચી ગઈ હતી. આ ગડબડને કારણે બિચારા રિક્ષાવાળાનું ઘર ભાંગવાને આરે છે. તેની પત્નીએ પણ તેને છોડી ચાલ્યા જવાની ધમકી આપી છે.