સ્ટીવ જોબ્સ, બિલ ગેટ્સે ક્યારેય તેના બાળકને નથી આપ્યો મોબાઈલ અને આપણે..?
શું તમે જાણો છો ? દુનિયાના સૌથી અમીર વ્યક્તિઓમાં બિલ ગેટ્સે પોતાનાં બાળકોને ૧૪ વર્ષની ઉંમર સુધી મોબાઈલ આપ્યો ન હતો. તેવી જ રીતે સ્ટીવ જોબ્સે ૨૦૧૧ના ન્યૂયોર્ક ટાઇમ્સને આપેલ એક ઇન્ટરવ્યુમાં જણાવ્યું હતું કે, તેઓએ પોતાનાં બાળકોને ક્યારેય પણ આઈપેડનો ઉપયોગ કરવા દીધો ન હતો.
દુનિયા આખીમાં મોબાઈલના ઉપયોગને લઈ ખૂબ જ રિસર્ચ થયાં છે, જેનાં પરિણામ સ્તબ્ધ કરી દે તેવાં આવ્યા છે. જે બાળકો સ્માર્ટફોનનો ઉપયોગ કરે છે તે અન્ય બાળકોની તુલનામાં મોડું બોલવાનું શરૂ કરે છે. ૬ મહિનાથી ૨ વર્ષ સુધીનાં બાળકો પર કરેલ એક સર્વેમાં આ સ્થિતિ સામે આવી છે.
દર ૩૦ મિનિટના સ્ક્રીન ટાઇમથી ૪૯ ટકા અસર વધી જાય છે કે બાળક મોડું બોલવાનું શ કરશે. જ્યારે દુનિયાના જાણીતા (એડિક્શન) થેરાપિસ્ટ મેન્ડી સાલગિરીએ તો ત્યાં સુધી કહ્યું કે બાળકોને સ્માર્ટ ફોન આપવો એ એક ગ્રામ કોકેન આપવા બરાબર છે.