કોંગ્રેસના દિગ્ગજ નેતાએ ભાજપના નેતા પર ભ્રષ્ટાચારનો આરોપ લગાવ્યો અને કોંગ્રેસના બે દિગ્ગજ નેતા ફસાઈ ગયા.


રાહુલ ગાંધી ગુજરાતમાં મહેસાણામાં આવ્યા અને વડાપ્રધાન નરેન્દ્ર મોદી પર આરોપ લગાવ્યા કે તેમણે 65 કરોડનો ભ્રષ્ટાચાર કર્યો છે. આ આરોપ પછી ભાજપના રવિશંકર પ્રસાદનું બયાન આવ્યું કે વડાપ્રધાન ગંગા જેવા પવિત્ર છે. બસ આ વાક્ય કોંગ્રેસના નેતા સંજય નિરુપમને ગમ્યું નહીં અને તેમણે ટ્‌વીટ કર્યું કે રવિશંકર પ્રસાદ “બોરિંગ કેનાલ રોડ નાલા” છે. આ પટનાના એક ગંદા નાળાનું નામ છે, જે ગંગાને પ્રદૂષિત કરી રહ્યું છે.

આટલું લખ્યા પછી રવિશંકરને આ “નાળું” સાબિત કરવા સંજય નિરુપમે એક ફોટો કોપી પણ ટ્વીટ કરી જેમાં સહારાએ કોને-કેટલા પૈસા આપ્યા છે, તે બધાના નામ છે. આ લિસ્ટમાં છેલ્લે રવિશંકર પ્રસાદનું નામ છે. જેમાં લખાયું છે કે રવિશંકર પ્રસાદને 1.25 કરોડ રુપિયા અપાયા છે.



સંજયભાઈને ખબર હશે કે કેમ પણ આ યાદીમાં બે કોંગ્રેસના દિગ્જનેતાઓના પણ નામ છે. એક છે સલમાન ખુર્શીદ અને બીજા છે દિગ્વીજય સિંહ. આ લિસ્ટ પ્રમાણે દિગ્વીજય સિંહને 29 લાખ અને સલમાન ખુર્શીદને ત્રણ વાર દસ-દસ લાખ સહારા દ્વારા મળ્યા છે તેવી નોંધ છે.

હવે આ લીસ્ટ ખુદ કોંગ્રેસનેતા સંજય નિરુપમે જ પોસ્ટ કરી છે. બિચારા આરોપ લગાવવા ગયા પ્રસાદ પર અને તેમાં બે પોતાના જ નેતા પણ ફસાઈ ગયા.