અમદાવાદની NIDમાં દારૂની મહેફિલ ચાલુ હતી ને પોલિસ પહોંચી ગઈ

 


 

અમદાવાદની પાલડી ખાતે આવેલા નેશનલ ઇન્સ્ટિટ્યૂટ ઓફ ડિઝાઇન(એનઆઇડી) કેમ્પસ ખાતે ગઈ કાલે ૧૦ ફેબ્રુઆરીએ રાત્રે દારૂની મહેફિલ માણી રહેલા 29 યુવક-યુવતીઓને પોલીસે ધરપકડ કરી છે. સૂત્રો પાસેથી મળતી માહિતી પ્રમાણે યુવક-યુવતીઓ દારૂ પીને જોરજોરથી મ્યુઝિક વગાડી રહ્યા હતા, જેની જાણ કોઈએ 100 નંબર પર ફોન કરીને કરી હતી. આ પછી પોલીસ કંટ્રોલ દ્વારા પાલડી પોલીસને જાણ કરતાં પોલીસે રેડ કરી હતી, જેમાં આ યુવક-યુવતીઓ દારૂ પીધેલી હાલતમાં મળી આવ્યા હતા. પોલીસ દ્વારા ધરપકડ થયેલાઓમાં ૧૫ યુવકો અને ૧૪ યુવતીઓ છે. અત્રે ઉલ્લેખનીય છે કે આ પહેલા પણ પોલીસ દ્વારા આ સંસ્થાને આ બાબતે ધ્યાન દોર્યુ હતું.