આજે માધ્યમો ડિઝિટલ યુગમાં પ્રવેશી ચૂક્યાં છે, ત્યારે મુજફ્ફર નગરનો એક વ્યક્તિ એવો છે જે પોતાના હાથથી જ આખેઆખું સમાચાર પત્ર લખે છે. ૫૩ વર્ષના દિનેશ નામના આ વ્યક્તિએ આમ કરી પત્રકારિત્વ ક્ષેત્રે અલગ ઓળખ બનાવી છે. છેલ્લાં ૧૭ વર્ષથી વિજયદર્શન નામથી એક સમાચાર પત્ર ચલાવે છે. આ સમાચાર પત્રની ખાસિયત એ છે કે, આખેઆખું સમાચાર પત્ર તે પોતાના હાથે લખે છે અને લખાયા બાદ તેની ઝેરોક્ષો કરી તેનું વિતરિત કરી દે છે. તે સાયકલ પર જાતે જ જઈને ઘરે ઘરે પોતાનું છાપું પહોંચતું કરે છે. છાપામાં ન તો કોઈ જાહેરાત હોય છે કે, ન તો કોઈ તસવીર, પરંતુ છેલ્લાં ૧૭ વર્ષથી તેમના છાપામાં કોઈ જ મહત્ત્વનો મુદ્દો છૂટી ગયો નથી.