પુલવામા હુમલા પછી એક ઓડિયો ટેપ જૈસ-એ-મોહમ્મદ દ્વાર બહાર પાડવામાં આવી હતી અને આ હુમલાની જવાબદારી લીધી હતી. પણ હવે આ હુમલાના છ દિવસ પછી જૈસ-એ-મોહમ્મદના ચીફ મૈલાના મસૂદ અઝહરની બીજી એક ઓડિયો ટેપ આવી છે. જેમાં તેણે પુલવામા હુમલામાં પોતાનો કોઇ હાથ ન હોવાનો દાવો કર્યો છે. જોકે આ ઉપરાંત તેણે અનેક વાતો પણ કરી છે. ભારત વિરુધ્ધ ઝેર ઓકવામાં તેણે જરા પણ પાછી પાની કરી નથી. તેણે ભારત વિરોધી અનેક વાતો કરી.

# મસૂદે પુલવામા હુમલામાં હાથ હોવાનો ઈન્કાર કર્યો છે.

# તેણે દાવો કર્યો છે કે, તે કદી પુલવામા એટેકનો આત્મઘાતી આતંકી આદિલ અહમદ ડારને પણ મળ્યો નથી.

# પુલવામા હુમલાથી ભારતના વડાપ્રધાન નરેન્દ્ર મોદીને 2019ની લોકસભા ચૂંટણીમાં નુકસાન થશે.

# હું પાકિસ્તાનને કોઈ પણ પ્રકારના યુદ્ધમાં ધકેલવા નથી માગતો

# તમારે જે કહેવું હોય તે કહો પણ ખબરદાર…ખબરદાર આદિલ અહમદ ડારને કઈ ન કહો.

# સમગ્ર દુનિયા આદિલને મારી સાથે જોડી રહી છે, પરંતુ મારી ઈચ્છા છે કે કાશ હું એને એક વખત મળી શક્યો હોત.

# જો આદિલના કારણે મને હવે મારી નાખવામાં આવે તો પણ મને કોઈ દુખ નથી. તે મારા માટે શહીદી ગણાશે.

# આ ઓડિયોમાં મસૂદ અઝહરે પાકિસ્તાની કોલમિસ્ટ અયાઝના પણ વખાણ કર્યા છે, જેણે આદિલ અહમદ ડારના જાહેરમાં વખાણ કર્યા છે.

# આદિલે જ પુલવામા હુમલો કર્યો હતો અને પોતાની ગાડી લઈને સીઆરપીએફના કાફલામાં ઘૂસ્યો હતો.

# કાશ્મીરમાં આઝાદીની લડાઈ હવે શરૂ થઈ ચૂકી છે.

# કેટલાક લોકો કહે છે કે આ હુમલાથી નરેન્દ્ર મોદીને ફાયદો થયો છે પણ એવું નથી. આવું સમજનારા ભારતના રાજકરણને સમજતા નથી.

# નરેન્દ્ર મોદી કાશ્મીરમાં સંપૂર્ણ રીતે નિષ્ફળ ગયા છે.

# પાકિસ્તાની મીડિયા અને સરકાર બંને ડરેલી છે.