અનોખો રંગીલો રાસોત્સવ | અહીં ખૈલયાઓ દ્વારા દરરોજ સમુહ રાષ્ટ્રગાન ગવાયા બાદ ગરબાની શરૂઆત કરાતી હતી

 

વેરાવળનો અનોખો રંગીલો રાસોત્સવ જે નિઃશુક્લ છે, ખેલૈયાઓ સમૂહમાં રાષ્ટ્રગાન ગાય છે, લાખોના ઇનામ વહેંચાય છે, મહિલાને સુરક્ષા અપાય છે… 

 

સાગરપુત્ર ફાઉન્ડેશન આયોજીત ૧૦ માં રંગીલા રાસોત્સવ ના મેગાફાઈનલ માં આજ લાખોના ઈનમો વિજેતાઓને અપાયા!

 

વેરાવળ શહેરની જ નહીં પુરા સૌરાષ્ટ્ર ગુજરાતમાં જેની વિશેષતાની ચર્ચા થાય છે તેવો વેરાવળ સમસ્ત ખારવા (સાગરપુત્ર ફાઉન્ડેશન) આયોજીત રંગીલો રાસોત્સવ નું આજ મેગાફાઈનલ આયોજન નો ખર્ચ સંપૂર્ણ સમસ્ત ખારવા સમાજ (સાગરપૂત્ર ફાઉન્ડેશન) દ્વારા થાય છે! સ્વૈચ્છીક દાતાશ્રીઓ પણ આ આ આયોજન જોઈને સ્વૈચ્છીક દાન સાગરપુત્ર ફાઉન્ડેશન ને આપે છે! અહીં કોઈ નાત જાત ના ભેદ નથી ને રમવા કે જોવા માટે કોઈ એન્ટ્રી પાસ કે ચાર્જ નથી છતાં રોજ હજારોના ઈનામો અપાયા અને મેગા ફાઈનલમાં લાખોના ઈનામો ખૈલયાઓ ને અપાયા છે!

 

 

 

અહીં વીર જવાનો શહિદો ને શ્રધ્ધાંજલી અપાઈ છે! મંચસ્થ મહેમાનો, સાગરપુત્ર ફાઉન્ડેશન ના આયોજકો તથા વિશાળ શ્રોતાઓ ને ખૈલયાઓ દ્વારા દરરોજ સમુહ રાષ્ટ્રગાન ગવાય છે! ને સ્વચ્છતા પ્રત્યે ની સંપૂર્ણ કાળજી લેવાય છે!

આ સિવાય મહિલા સશકિતકરણ ને જાગૃતી માટે પોલીસ તથા મતદાતા જાગૃતિ ને લગતા સરકારીશ્રી દ્વારા થતી સરાહનીય કામગીરી નું વિઝયુલ મોટી LCD સ્ક્રીનો દ્વારા બતાવાય પણ છે.

 

સંપૂર્ણ સુરક્ષાથી સજ સી સી ટીવી કેમેરા, ડ્રોન કેમેરા તેમજ સાગરપુત્ર ફાઉન્ડેશન ના કાર્યકર્તા ટીમ તેમજ પ્રાઈવેટ સિક્યુરિટી ગાર્ડ દ્વારા મહિલા સુરક્ષા નું નિરીક્ષણ કરી ધ્યાન રખાય છે!

 

અહી વેરાવળ ને આસપાસ ના શહેરોમાં થી લોકો રમવા આવે છે!

 

 

 

આજે જ્યારે નવરાત્રિ પણ કોમર્શિયલ બની ગઈ હોય ને રાજકોટ, અમદાવાદ, સુરત મુંબઈ, જેવા શહેરોમાં હજારો રૂપિયાના પાસ ખરીદીયા પછી ગરબા રમવા કે જોવા મળે છે પણ અહીં એવું નથી. અહીં અનેક સુવિધા મળે છે અને એ પણ નિઃશુલ્ક.

આ સિવાય મેદાનમાં કોઈ પણ જાતના કોમર્શિયલ જાહેરતો ના બેનર પણ નજર આવતા નથી અહીં નાસ્તા માટે ના સ્ટોલ ધારકો પાસે પણ ભાડું લેવામાં આવતું નથી! આવી તો અનેક કો અનેક વિશેષતા થી વેરાવળ સમસ્ત ખારવા સમાજ (સાગરપૂત્ર ફાઉન્ડેશન) નો રંગીલો રાસોત્સવ યોજાય છે!

 

જેનો લાભ વેરાવળ પાટણ ને ગીર સોમનાથ જીલ્લા અને આસપાસના શહેરી જનો નિશુલ્ક લઈ શકે છે!

 

સાગરપુત્ર ફાઉન્ડેશન આયોજીત રંગીલો રાસોત્સવ માં રાજકીય બીન રાજકીય ને સરકારી ઉચ્ચ અધિકારીઓ ને વિવિધ સમાજ ના અગ્રણીઓ તેમજ વિવિધ સંસ્થાઓ ના અગ્રણીઓ ને શહેરના શ્રેષ્ટીઓ બહોળી સંખ્યામાં આ રંગીલા રાસોત્સવ નો ૧૦ દિવસ આનંદ માણે છે!