છેલ્લા ૨૪ કલાકમાં ગુજરાતમાં ક્યાં કેટલો વરસાદ પડ્યો? સૌથી વધારે ક્યાં પડ્યો? જાણો

 

સ્ટેટ ઇમરજન્સી ઓપરેશન સેન્ટર દ્વારા મળતી માહિતી મુજબ ૦૯/૦૮/૨૦૧૯ના રોજ સવારે છ કલાકે પુરા થતાં છેલ્લાં ૨૪ કલાક દરમિયાન મોટાભાગના તાલુકાઓમાં વરસાદ વરસ્યો હતો. રાજ્યના ૧૬૮ તાલુકાઓમાં વરસાદ વરસ્યો હોવાના અહેવાલ પ્રાપ્ત થયા છે જેમાં, છોટા ઉદેપુર તાલુકામાં ૩૩૬ મી.મી. એટલે કે સાડા તેર ઈંચ વરસાદ, ક્વાંટ તાલુકામાં ૨૮૨ મી.મી. એટલે કે ૧૧ ઈંચથી વધુ અને કુકરમુંડા તાલુકામાં ૨૦૭ મી.મી. એટલે કે ૮ ઈંચથી વધુ વરસાદ વરસ્યો હતો.

મળતા અહેવાલ મુજબ રાજયના ૧૪ તાલુકાઓમાં ૪ ઈંચથી વધુ વરસાદ વરસ્યો હોવાના અહેવાલ છે. જેમાં છોટા ઉદેપુર, ક્વાંટ, કુકરમુંડા ઉપરાંત જેતપુર-પાવીમાં ૧૭૪ મી.મી., નિઝરમાં ૧૭૩ મી.મી., નસવાડીમાં ૧૫૬ મી.મી., ધાનપુરમાં ૧૨૦ મી.મી., ગોધરામાં ૧૧૨ મી.મી., દાહોદમાં ૧૧૧ મી.મી., સંજેલીમાં ૧૧૦ મી.મી., દેવગઢ બારિયામાં ૧૦૪ મી.મી., લીમખેડા અને ઉમરપાડામાં ૧૦૩ મી.મી. તથા જાબુઘોડામાં ૧૦૨ મી.મી. એટલે કે ૪ ઈંચથી વધુ વરસાદ વરસ્યો છે.

 

રાજયના ૧૦ તાલુકાઓમાં ૩ થી ૪ ઈંચ જેટલો વરસાદ વરસ્યો છે. જેમાં વિજયનગરમાં ૯૬ મી.મી., ડેડિયાપાડામાં ૯૫ મી.મી., ફતેપુરામાં ૮૯ મી.મી., સુબિરમાં ૮૬ મી.મી., સિંઘવાડમાં ૮૩ મી.મી., ડભોઈ, બોડેલી અને સાગબારામાં ૮૨ મી.મી., શહેરામાં ૮૦ મી.મી., કડાણામાં ૭૯ મી.મી. અને ગરબાડામાં ૭૮ મી.મી. એટલે કે ૩ થી ૪ ઈંચ જેટલો વરસાદ વરસ્યો છે.

જયારે રાજયના ૧૦ તાલુકાઓમાં ૨ થી ૩ ઈંચ સુધીનો વરસાદ વરસ્યો હોવાના અહેવાલ છે જેમાં ઉચ્છલ, માંગરોળ, હાલોલ, મોરવાહડફ, ગરૂડેશ્વર, સોનગઢ, સંખેડા, ઝાલોદ, નેત્રંગ, તિલકવાડા અને વડોદરા તાલુકાઓનો સમાવેશ થાય છે. ૧૩૧ તાલુકાઓમાં ૨ ઈંચથી ઓછો વરસાદ વરસ્યો હોવાના અહેવાલ છે.

 

રાજયનો ચાલુ મોસમનો કુલ સરેરાશ વરસાદ ૬૬.૪૪ ટકા જેટલો નોંધાયો છે. જેમાં કચ્છ રીજીયનમાં ૩૫.૯૮ ટકા, ઉતર ગુજરાતમાં ૩૯.૭૫ ટકા, પૂર્વ મધ્ય ગુજરાતમાં ૬૩.૫૮ ટકા, સૌરાષ્ટ્રમાં ૪૯.૫૮ ટકા અને દક્ષિણ ગુજરાતમાં ૯૩.૨૬ ટકા જેટલો સરેરાશ વરસાદ વરસ્યો છે.