વિશેષજ્ઞો જણાવે છે - કોરોનાની વચ્ચે માનસિક રીતે સ્વસ્થ્ય રહેવાની પાવરફૂલ ટિપ્સ

 

 

 

 

 

 

 

કસરત, પોષણયુક્ત અને હેલ્દી ભોજન, સારી ઊંઘ, સમય અંતરે કામમાંથી આરામ અને ડિજિટલ સ્ક્રીનને અપાતો સમય ઓછો કરવો...આવી સારી ટેવો કેળવીને શરીરનું ધ્યાન રાખી શકાય છે જે કોરોના સામે લડવા તમને સક્ષમ બનાવશે. આપણી જીવનશૈલી જ આપણી દવા છે. સાત્વીક જીવનશૈલી અપવાનો. શરીર તરફ પણ ધ્યાન આપો.

 

 

 

 

મન-મગજને એકદમ શાંત રાખો. આવી આદત પાડવા દિવસ દરમિયાન આ માટે સમય ફાળવો. ધ્યાન કરો, પ્રાણાયામ કરો, શ્વાસોશ્વાસનો વ્યાયમ કરો. વિચારવાનું બંધ કરો અને હંમેશાં હકારાત્મક રહો. મન મજબૂત હશે તો પછી તમારે બીજુ કશું કરવાની જરૂર નથી. દુનિયામાં સૌથી શક્તિશાળી સાધન મન છે. તેના પર કાબૂ મેળવવાની કોશિશ કરો.

 

 

 

 

પોતાની ભાવનાઓ-લાગણીઓને દબાવી ન રાખો કે આવેગમાં આવીને વ્યક્ત પણ ન કરો. સ્વીકારતા શીખો. ભાવનાઓમાં ખેંચાઈ ન જાવ.

 

 

 

 

આવા સમયે સંબંધો સાચવો. રોજ મળો નહી તો મેસેજ,ફોન, વીડિયો કોલ થકી સંપર્કમાં રહો. જેને મદદની જરૂર હોય તેને મદદરૂપ બનો. મિત્રો, સંબંધી, પરિવારને સમય આપો. વિચારોનું આદાન-પ્રદાન કરો, પ્રેમ વહેંચો. હસતાં રહો.

 

 

 

 

પોતાની માનસિકતાનું પણ ધ્યાન રાખો. આપણી માનસિકતા આપણી વાસ્તવિકતાને પ્રભાવિત કરે છે. પોતાના વિચારો અને ભાષા પ્રત્યે સચેત રહો. તણાવ દૂર કરવા તમે શું કરી શકો તેના પર ધ્યાન આપો. પોતાની ધારણાઓને હાવી ન થવા દો. સમજી વિચારીને નિર્ણય લો. જાગૃત રહો.