૧૦ રૂપિયાની સાડીના સેલ માટે મહિલાઓ તૂટી પડતાં કોઈકના હાથ-પગ ભાંગ્યા

સેલનું નામ સંભાળીને સ્ત્રીઓ જબરી ઉત્સાહમાં આવી જતી હોય છે. એમાંય જો સેલમાં સબસે સસ્તાની લાલચ હોય તો તો પૂછવું જ શું ? હૈદરાબાદના સિદિપટ વિસ્તારમાં આવેલા સીએમઆર મોલમાં એક સાડીની શોપમાં મહાસેલની જાહેરાત થઈ. એમાં માત્ર દસ રૂપિયામાં સાડી મળશે એવી અનાઉન્સમેન્ટ હતી. શહેરમાં વાયુવેગે આ સેલની જાહેરાત થઈ ગઈ અને મોલમાં એટલો ધસારો અને ધક્કામુક્કી થયા કે કેટલીયે મહિલાઓ ઘાયલ થઈ. એક મહિલાની પાંચ તોલાની સોનાની ચેઈન ખોવાઈ ગઈ. એક મહિલાએ ૬૦૦૦ રૂપિયા કેશ એ ડેબિટ કાર્ડ ભરેલું પર્સ ગુમાવ્યું અને કોઈકના હાથ-પગમાં ઈજા થઈ. પોલીસે આવીને ભીડને કાબૂમાં લેવા માટે સેલ બંધ કરવું પડ્યું.