ભારતના વિદેશમંત્રી દર વખતે પશ્ચિમી દેશોને જડબાતોડ જવાબ આપી રહ્યા છે…

 

 

 

 

યૂક્રેન અને રશિયાના યુદ્ધમાં યુરોપના દેશો દરવખતે ભારતને ટાર્ગેટ કરતા રહ્યા છે અને આ ટાર્ગેટનો જડબાતોડ જવાબ આપણા વિદેશમંત્રી એસ. જયશંકર આપી રહ્યા છે. આખા યુરોપ અને અમેરિકાને એસ. જયશંકર તેમની જ ભાષામાં જવાબ આપી રહ્યા છે. તેઓ પશ્ચિમી દેશોની નીતિઓ વિરુદ્ધ સ્પષ્ટ પણે પોતાના મંતવ્યો રજૂ કરી રહ્યા છે. ૧૦ ઓક્ટોબરના રોજ વિદેશમંત્રી જયશંકર ઓસ્ટ્રેલિયામાં હતા. અહીં યોજાયેલા ૧૩માં ફોરેન મિનિસ્ટર્સ ફ્રેમવર્ક ડાયલોગ પછી તેઓએ અહીંના સ્થાનિક મીડિયા સાથે વાત કરી હતી. જેમાં તેમણે જે જવાબો આપ્યા તે સમજવા જેવા છે...

 

 

 

 

 

“જો તમે રશિયા પાસેથી ઊર્જા ખરીદવાની વાત કરી રહ્યા છો તો હું તમને કહીશ કે તમારે યુરોપ પર તમારું ધ્યાન કેન્દ્રિત કરવું જોઇએ. અમે (રશિયા પાસેથી) ખૂબ ઓછી ઊર્જા ખરીદીએ છીએ જે અમારી સુરક્ષા માટે જરૂરી છે. પરંતું આંકડાઓ તપાસો તો કદાચ ખબર પડે કે અમે જેટલી ઊર્જા ખરીદીએ છીએ એટલી તો યુરોપની એક સાંજમાં વપરાઈ જાય છે. તમારે આ વિશે પણ વિચારવું જોઇએ.”