બોધકથા । સંન્યાસી મન । શું આ બહુ શરમની વાત છે?

 

 

બે બૌદ્ધ ભિક્ષુ પહાડી પર આવેલ પોતાના મઠ તરફ જઈ રહ્યા હતા. રસ્તામાં એક ઊંડું નાળું આવતું હતું. ત્યાં નાળાના કિનારે એક યુવતી બેઠી હતી જેને નાળું પાર કરીને મઠની સામેની બાજુ પોતાના ગામ જવાનું હતું. પરંતુ વરસાદને કારણે નાળામાં પાણી વધી જવાને કારણે તે નાળું પાર કરવાનું સાહસ કરી શકતી ન હતી.

 

એક ભિક્ષુ જે યુવાન હતો તેણે યુવતીને પોતાના ખભા પર બેસાડી અને નાળાની પાર લઈ જઈને ઉતારી દીધી. યુવતી પોતાના ગામ તરફ જતા રસ્તે ચાલી ગઈ અને ભિક્ષુ પોતાના મઠ તરફ જતા રસ્તા પર ચાલવા લાગ્યો. બીજા ભિક્ષુએ આ જોયું, પરંતુ પેલા ભિક્ષુને કંઈ કહ્યું નહીં, પરંતુ મોં ચડાવીને તેની સાથે સાથે પહાડી પર ચડતો રહ્યો. મઠ આવી ગયો એટલે તેનાથી રહેવાયું નહીં. તેણે પેલા ભિક્ષુને કહ્યું, આપણા સંપ્રદાયમાં સ્ત્રીને સ્પર્શ કરવાની મનાઈ છે, પરંતુ તેં તો એ યુવાન સ્ત્રીને પોતાના હાથેથી ઉઠાવીને ખભા પર બેસાડી અને નાળું પાર કરાવ્યું. આ બહુ શરમની વાત છે.