ભારતે હવે 'સોનાની ચિડિયા નહીં, પણ 'સિંહ' બનવું પડશે, દુનિયા ફક્ત શક્તિને સમજે છે' - મોહનજી ભાગવત

 

 

 

 

 

 

મોહનજીએ જણાવ્યું કે ભારત એક વ્યક્તિવાચક સંજ્ઞા છે. તેનું ભાષાંતર ન કરવું જોઈએ. જો ભારતનું ભાષાંતર કરવામાં આવે તો તે તેની ઓળખ અને વિશ્વમાં ભારત નામનો જે આદર છે તે ગુમાવી દેશે. ઈન્ડિયા ભારત છે, આ સાચું છે, પરંતુ ભારત ભારત છે. જ્યારે આપણે ભારત વિશે વાત કરીએ છીએ કે તેના વિશે લખીએ છીએ, ત્યારે આપણે તેનું આ સ્વરૂપ જાળવી રાખવું જોઇએ. ભારતની ઓળખનું સન્માન થવું જોઈએ. જ્યારે તમે તમારી ઓળખ ગુમાવો છો, પછી ભલે તમારી પાસે ગમે તેટલા ગુણો હોય, તમને આ દુનિયામાં સમ્માન અને સુરક્ષા મળતી નથી. આ મૂળભૂત સિદ્ધાંત છે.

 

 

મોહનજી ભાગવતે કહ્યું કે ભારતીય પૌરાણિક શિક્ષણ પ્રણાલી લોકોને બીજા માટે જીવવાની અને બલિદાન આપવાની ભાવના વિકસાવવામાં મદદ કરે છે. શિક્ષણનો હેતુ ફક્ત નોકરી મેળવવો જ નથી, પરંતુ આત્મનિર્ભર અને સક્ષમ બનાવવાનો છે જેથી આપણે દરેક પરિસ્થિતિનો સામનો સ્વયં કરી શકીએ. જો કોઈ વસ્તુ વ્યક્તિને સ્વાર્થી બનાવે છે તો તે શિક્ષણ નથી.