અમદાવાદની ટ્રાફિક પોલિસે ૧૦ લાખનો મેમો ફાડ્યો, નિયમ તોડનારે દંડ ભરી પણ દીધો

 

ટ્રાફિકના નવા નિયમો આવ્યા પછી લાખ્ખોમાં દંડ થઈ રહ્યો છે. કોઇને હજાર તો કોઇને લાખ રૂપિયાનો મેમો ટ્રાફિક પોલિસે આપ્યો છે. આવા અનેક કિસ્સા મીડિયામાં આવ્યા છે. જો કે લોકો આ બદલ ખૂબ હેરાન થઈ રહ્યા છે અને દેશમાં માહોલ બરાબર આ સંદર્ભે લાગ્યો નહી એટલે ટ્રાફિક પોલિસે થોડી નરમી રાખી છે. આવામાં અમદાવાદનો એક કિસ્સો બહાર આવ્યો છે. અને આ કિસ્સો ખૂદ અમદાવાદ ટ્રાફિક પોલિસે પોતાના ટ્વીટર એકાઉન્ટ પર શેર કર્યો છે.

 

 

 

 

થયું છે એવું કે અમદાવાદના સિંધુભવન રોડ પર અમદાવાદ ટ્રાફિક પોલિસ સામાન્ય ચેકિંગ કરી રહી હતી. આ સમયે ત્યાંથી કે ખૂબ મોંઘી કહી શકાય તેવી કાર અહીંથી નીકળી. પોલિસે તેને રોકી. પહેલા તો આ કારમાં નંબર પ્લેટ લાગેલી ન હતી. આ ઉપરાંત ગાડીના માલિક પાસે ગાડી ચલાવવાનું લાયસન્સ પણ ન હતું આ મોંઘી ગાડીની માલિકીના કાગળીયા પણ ન હતા. આથી ટ્રાફિક પોલિસે તેના પર ૯ લાખ ૮૦ હજારનો દંડ ફટકારી દીધો. એવું કહેવાઈ રહ્યું છે કે અત્યારે સુધીનો આ સૌથી વધુ રકમનો મેમો છે. ઉલ્લેખની વાત એ છે કે આ દંડની રકમ ગાડીના માલિકે ભરી પણ દીધી છે.

 

ઉલ્લેખનીય છે લે ગુજરાત ટ્રાફિક પોલિસે આવી મોંઘી ગાડીઓના આવા અનેકવાર મેમો ફાડ્યા છે.