જીવનમાં આગળ વધવા માટે યાદશક્તિ કેળવવાને બદલે ભૂલતાં શીખો

 

 

 

જીવનમાં આગળ વધવા માટે યાદશક્તિ કેળવવાને બદલે ભૂલવાનું? નવાઈ લાગતી હશે, નહીં ?

તમારા જીવનમાં કટુ પ્રસંગો પણ આવ્યા હશે જ. એની યાદ તમારા મનમાં ઝબકી જાય તો એ ઝબકારો ત્યાં જ અટકાવી દેજો. એ લેશમાત્ર આગળ ન વધે તેની તકેદારી રાખજો. કટુ પ્રસંગોનું સ્મરણ તમને વિષાદની ઊંડી ગર્તામાં ધકેલી દેશે અને એથી તમારું આખું ય ઊર્મિતંત્ર બેસૂરું બની જશે અને જીવનનો આનંદ તમે ખોઈ બેસશો. એ માટે એ દુઃખદ સ્મૃતિ તમારા માનસપટ પર આસન જમાવે એ પહેલાં જ એને ફંગોળી દેજો. એને સ્થાને તમારા મનના ખૂણામાં પડેલી સુખદ સ્મૃતિને ઢંઢોળીને જગાડજો.

આમ કરવામાં શરૂઆતમાં જો કે તમને થોડી મુશ્કેલી નડશે પણ પછી ધીરે ધીરે એમ કરવામાં – કટુ સ્મૃતિઓને ભૂલવામાં તમે ટેવાઈ જશો અને પછી એક એવી પરિસ્થિતિ સર્જાશે કે તમને ન ગમતાં બનાવો તમારા માનસમાં ડોકાવાની હિંમત જ નહીં કરે. સુખદ સ્મૃતિઓની સુવાસ જ તમારા મનમાં રમ્યા કરશે. અને એથી તમારું રોમેરોમ પુલકિત બની ઊઠશે.

 

 

 

 

 

 

Website - www.sadhanaweekly.com

 

Facebook Page - https://www.facebook.com/sadhanasaptahik

 

Instagram - https://www.instagram.com/sadhanasaptahik/

 

Youtube - Sadhana Saptahik

 

Twitter - https://twitter.com/sadhanaweekly