બોધકથા । સાદગી જ સૌથી મોટું આભૂષણ છે

 

 

એક દેશના વડાપ્રધાનને સાદગી ખૂબ ગમતી હતી. તેઓ પોતાના કપડા જાતે સાફ કરતા અને પોતાનું બધુ કામ જાતે જ કવરાનો આગ્રહ રાખતા. સાયકલ પર જવું આવવું તેમને ખૂબ ગમતું...

 

એકવાર રેલયાત્રા દરમિયાન એક પત્રકારે તેમને રેલમાં જ મુલાકાત આપવા કહ્યું. વડાપ્રધાને પત્રકારને હા પાડી અને કહ્યું કે સ્ટેશને આવી જાવ. પછી રેલમાં મળીએ.

 

યોગ્ય સમયે પત્રકાર રેલવે સ્ટેશને પહોંચી ગયો અને પ્રથમ શ્રેણીના ડબ્બામાં વડાપ્રધાનને શોધવા લાગ્યો. વડાપ્રધાન તો ન દેખાયા પણ એક યુવાને તેને કહ્યું કે તમે વડાપ્રધાનને શોધો છો?

 

પત્રકારે હા પાડી, એટલે પેલા યુવાને કહ્યું કે વડાપ્રધાન તો પાછળ જનરલ ડબ્બામાં પ્રવાસ કરી રહ્યા છે. તેઓ તમને ત્યાં મળશે...

પત્રકાર ત્યાં પહોંચ્યો એટલે વડાપ્રધાન ખૂબ સાદગીથી એક સીટ પર બેઠા-બેઠા છાપું વાંચતા હતા.

 

પત્રકારને નવાઈ લાગી એટલે તેણે પૂછ્યું કે વડાપ્રધાન થઈને તમે સામાન્ય ડબ્બામાં મુશાફરી કરો છો? આ તો સારું થયું કે પ્રથમ શ્રેણીમાં એક યુવાન મળી ગયો તેણે મને કહ્યું કે તમે અહીં છો એટલે આપણે મળવાનું થયું. બાકી હું તમને મળવાનું આજે ચૂકી જાત...