૪૦ની ઉંમર પછી આ ૧૦ મંત્રો અપનાવો, હંમેશાં આનંદમાં અને સ્વસ્થ રહેશો

 

 

# આપણું શરીર કેવું હશે, કેટલું સ્વસ્થ હશે તે આપણી જીવનશૈલી નક્કી કરે છે.

 

# તમારો આહાર કેવો છે, તમે કેટલો શ્રમ કરો છો, નિયમિત કેટલી ઊંઘ લો છો તે બધું જ મહત્વનું છે.

 

# જો આપણે આપણી જીવનશૈલી પર થોડું ધ્યાન આપીએ અને થોડા નિયમો પાળીએ તો આપણે સ્વસ્થ રહી શકીએ છીએ.

 

 

 

શરીર ૭૦ ટકા પાણીનું બનેલું છે. શરીરમાં પાણીની આ માત્રા ટકાવી રાખશો તો હંમેશાં સ્વસ્થ રહેશો. શરીરને સ્વચ્છ અને આરોગ્યપ્રદ પાણી જ રાખી શકશે, માટે દિવસ દરમિયાન ઓછામાં ઓછું ૩ લિટર પાણી પીવો

 

 

શારિરીક શ્રમ કરો, આ ખૂબ જરૂરી છે, આળસુ બનીને બેસી ન રહો. શારિરીક શ્રમના અનેક ફાયદા છે. ભગવાને આપણું શરીર આરામ માટે નહી પણ શ્રમ કરવા જ બનાવ્યું છે. જેટલા થકશો એટલા જ સ્વસ્થ રહેશો…

 

 

આહારમાં ખૂબ ધ્યાન રાખો, પ્રોટિન અને કેલ્સિયમયુકત આહાર લો, તીખું, તળેલું, સુગરયુક્ત આહાર બંધ કરી દો અથવા ઓછો કરી દો. કુદરતે જે આહાર માનવ માટે બનાવ્યો છે તેને જ ખાવાનું રાખો. માનવે જે શોધ કરી જેમ કે ખાંડ, તેલ ન ખાવ…અથવા ખૂબ ઓછુ ખાવ..

 

 

પગ ચાલવા માટે છે, તેનો ખૂબ ઉપયોગ કરો, ૪૦ પછી ખૂબ ચાલવાનું રાખો. ચાલવા – દોડવાનું બંધ કરીને આપણે આપણી શક્તિ ગુમાવી દીધી છે. ચાલવાનું રાખો… આ જ સૌથી શ્રેષ્ઠ કરસત છે.

 

 

કંઇ પણ બોલતા પહેલા તેના વિશે વિચારવાનું રાખો. સ્વસ્થ રહેવા સારા સંબંધ રાખવા જરૂરી છે અને તે માટે જીભ કાબૂમાં રાખવી જરૂરી છે. બોલો ઓછું , કામ વધારે કરો…

 

 

બહુ પૈસા પાછળ ન દોડો, જરૂર હોય એટલું જ કમાવાનું વિચારો...આજના યુગમાં તણાવમાં ન રહેવું હોય તો આ વાક્ય ધ્યાનમાં રાખો.

 

 

હતાશ ન થાવ, બહુ અપેક્ષાઓ ન રાખો, તમે ધારેલું થાય પણ ખરું અને ન પણ થાય...આ વાતને સ્વીકારી લો, તમે બસ કર્મ કરો, સારું પરિણામ આજે નહીં તો કાલે જરૂર મળશે જ..!! આજ કુદરતનો નિયમ છે

 

 

અહંકાર ન રાખો, બધુ અહીં જ મૂકીને જવાનું છે. પદ, માન, હોદ્દા માટે અપેક્ષા ન રાખો. અપેક્ષા જ દુઃખનું કારણ છે. અહંકાર વગર પોતાની મસ્તીમાં જીવો…

 

 

૪૦ વર્ષના થયા, વાળ સફેદ થયા એટ્લે વૃદ્ધ થઈ ગયા છો એવું ન માનો, સ્વયંને યુવાન જ સમજો, ખૂબ હરો, ફરો, મજા કરો...બાળકો સાથે બાળકની જેમ મસ્તી કરો…આનંદમાં રહો…આજ સ્વસ્થ રહેવાની દવા છે…

 

 

હંમેશાં નાના માણસને સાથ આપો, તેને પ્રેમથી બોલાવો, કામ નાનો માણસ જ આવે છે.

 

તો આ દસ વાતો યાદ રાખો, હકારાત્મક રહો, નક્કી તમારા જીવનમાં હકારાત્મક બદલાવ આવશે….